रक्षाबंधन २०२६: भद्रा काळात भावाला राखी का बांधू नये? यंदा भद्रेचे सावट असणार का? पाहा ३ सर्वोत्तम शुभ मुहूर्त!

भावा-बहिणीच्या पवित्र आणि अतूट नात्याचा सण म्हणजेच 'रक्षाबंधन'. दरवर्षी श्रावण महिन्यातील पौर्णिमेला हा उत्सव अत्यंत उत्साहात साजरा केला जातो. यंदा शुक्रवार, २८ ऑगस्ट २०२६ रोजी रक्षाबंधन आहे. या दिवशी बहिणी भावाच्या औक्षण करून त्याच्या मनगटावर प्रेमाची राखी बांधतात आणि त्याच्या सुख-समृद्धीसाठी प्रार्थना करतात; तर भाऊ तिच्या रक्षणाचे वचन देतो.

शास्त्रानुसार राखी बांधताना 'भद्रा काळ' वर्ज्य मानला जातो. भद्रेच्या काळात केलेले कोणतेही मांगलिक कार्य फलदायी ठरत नाही, अशी धार्मिक मान्यता आहे. यंदाच्या रक्षाबंधनाला भद्रेचे सावट असणार आहे का? आणि राखी बांधण्यासाठी सर्वात शुभ मुहूर्त कोणते? याविषयीची सविस्तर माहिती खालीलप्रमाणे:

यंदा भद्रेचे सावट असणार का?

ज्योतिषशास्त्रानुसार, यंदा २८ ऑगस्ट २०२६ रोजी सूर्योदयापूर्वीच भद्रा काळ समाप्त होत आहे. त्यामुळे यंदाच्या रक्षाबंधनाला भद्रेचे कोणतेही विघ्न किंवा सावट असणार नाही. बहिणी पूर्ण दिवसात कोणत्याही शुभ मुहूर्तावर भावाला निर्धास्तपणे राखी बांधू शकतील.

रक्षाबंधनासाठी ३ सर्वोत्तम शुभ मुहूर्त

यंदा संपूर्ण दिवस राखी बांधण्यासाठी अनुकूल असला, तरी ज्योतिषाचार्यांनी पुढील ३ वेळ अत्यंत श्रेष्ठ सांगितल्या आहेत:

१. सकाळचा पहिला शुभ मुहूर्त: सकाळी ०६:३६ ते सकाळी ०९:४५ वाजेपर्यंत.

२. दुपारचा अभिजित मुहूर्त: दुपारी १२:०३ ते दुपारी १२:५३ वाजेपर्यंत.

३. सायंकाळचा शुभ मुहूर्त: संध्याकाळी ०७:४३ ते रात्री ९:३० वाजेपर्यंत.

या सुवर्ण मुहूर्तांवर भावाला राखी बांधल्यास त्याच्या आयुष्यात यश, आरोग्य आणि समृद्धी वाढीस लागते.

भद्रा काळात राखी का बांधत नाहीत? (पौराणिक कथा)

धार्मिक ग्रंथांनुसार भद्रा काळात रक्षासूत्र किंवा राखी बांधणे अशुभ मानले जाते. यामागे लंकेचा राजा रावणाची पौराणिक कथा जोडलेली आहे.

रावणाची कथा:

पौराणिक मान्यतेनुसार, लंकेचा राजा रावण याला त्याची बहीण शूर्पणखा हिने भद्रा काळात राखी बांधली होती. त्यामुळेच रावणाचा आणि त्याच्या संपूर्ण कुळाचा नाश झाला, असे मानले जाते. म्हणूनच भद्रा कालखंडात रक्षासूत्र बांधणे पूर्णपणे निषिद्ध मानले गेले आहे.

भद्रा कोण आहे?

पंचांगाच्या पाच अंगांपैकी 'करण' हे एक अंग आहे. यातील 'विष्टी करण' म्हणजेच भद्रा होय.

सूर्यपुत्री आणि शनिची बहीण: पुराणात भद्रेचा उल्लेख भगवान सूर्यदेव यांची कन्या आणि कर्मफळदाते शनिदेव यांची बहीण असा करण्यात आला आहे.

उग्र स्वभाव: जन्माच्या वेळी भद्रेचा स्वभाव अत्यंत उग्र आणि विनाशकारी होता. ती शुभ कार्यात विघ्न निर्माण करू लागल्याने सर्व देव आणि ऋषी-मुनी त्रस्त झाले.

ब्रह्मदेवांचा नियम: परिस्थिती नियंत्रणात आणण्यासाठी ब्रह्मदेवांनी भद्रेला पंचांगातील 'विष्टी करणात' स्थान दिले. तसेच "भद्रेच्या काळात जे कोणी विवाह, गृहप्रवेश, मुंडन किंवा रक्षाबंधन यांसारखी मंगल कार्ये करतील, त्यांच्या कार्यात अडथळे निर्माण होऊन विनाश होईल," असा नियम केला.

तेव्हापासून भद्रा काळात कोणतेही शुभ कार्य केले जात नाही. यंदा भद्रेचे कोणतेही विघ्न नसल्याने सर्व बहिणी आपल्या भावाला प्रेमाचा धागा बांधून हा पावन सण आनंदात साजरा करू शकतात. यंदा तुमच्या लाडक्या भावासाठी निवडा त्याच्या राशीनुसार खास तयार करण्यात आलेली क्रिस्टल राखी, जी त्याला सकारात्मक राहण्यास आत्मविश्वासाने पुढे जाण्यास आणि ध्येय साकारण्यात प्रेरणा देईल. ऑर्डर करण्यासाठी संकेतस्थळाला भेट द्या https://www.lokmatbhakti.com/category/rakhi